ጠ/ሚ ዶክተር አብይ አህመድና ፕሬዚዳንት ኢሳያስ አፈወርቂ እየተወያዩ ነው

አዲስ አበባ (kalitimes)ሃምሌ 1 ፣ 2010. ጠቅላይ ሚኒስትር ዶክተር አብይ አህመድና ፕሬዚዳንት ኢሳያስ አፈወርቂ የሁለትዮሽ ምክክር ጀምረዋል።

መሪዎቹ የሃገራቱን ህዝቦች የጋራ ፍላጎት፣ እኩልነትና ሉዓላዊነትን ከግምት ውስጥ ያስገባ ውይይት እያደረጉ መሆኑን፥ የኤርትራ ማስታወቂያ ሚኒስትር አቶ የማነ ገብረመስቀል ተናግረዋል።

ሚኒስትሩ አያይዘውም መሪዎቹ ፈጣንና አወንታዊ ውጤት የሚያስገኝ ውይይት እያደረጉ መሆኑንም ነው የተናገሩት።

የኢፌዴሪ ጠቅላይ ዶክተር አብይ አህመድ የኢትዮጵያና ኤርትራ ግንኙነትን ያድሳል የተባለለትን ታሪካዊ ጉብኝት ለማድረግ ዛሬ አስመራ መግባታቸው ይታወሳል።

ከኢትዮጵያ ልዑኳን ቡድን መካካል የሁለቱ ም/ቤቶች አፈጉበኤዎች᎓የውጭ ጉዳይ ሚኒትር᎓የመንግስት ኮሙኒኬሽን ጉዳዮች፤የአፈር ክልል ርዕሰመስተዳደርና ሌሎች ከፍተኛ ባላስልጣናትም ይገኙበታሉ።

አስመራ ሲገቡም ፕሬዚዳንት ኢሳያስ አፈወርቂን ጨምሮ የሃገሪቱ ከፍተኛ ባለስልጣናት እና የአስመራ ነዋሪዎች ደማቅ አቀባበል አድርገውላቸዋል።

 

%d bloggers like this: